На ден 27.10.2022 год. во нашето училиште ООУ ”Наум Охридски” с. Булачани – Скопје и во централното – с.Булачани и подрачното – с.Црешево се одржа предавање на тема “Превенција од дроги и штетни влијанија од алхохолот“ од страна на Center for Youth Activisam KRIK / КРИК.
Целна група на предавањето беа сите учениците од 8-мо и 9-то одделение од централното и подрачното училиште. Предавањето се реализираше во два термина од 12:00-14:00 часот во с.Црешево каде одговорен наставник беше Билјана Белогаска и од 14:30-16:30 часот во с.Булачани каде одговорни наставници беа Златка Панчевска, Марија Сотировска и Александра Величковска.
Предавањето на тема “Превенција од дроги и штетни влијанија од алхохолот“ го реализираа двајца предавачи (Игор и Сара Димовска) и два волонтери претставници од Р. Турција. Предавањето започна со две интерактивни игри наменети за сите ученици кои им ги презентираа волонтерите на англиски јазик предводени од страна на предавачите. Презентациите на тема-дрога и алхохол беа реализирани од страна на предавачите од организацијата КРИК. Учениците зедоа активно учество во сите интерактиви игри и поставуваа љубопитни прашања. Посебен интерес појавија кај презентацијата на тема –дрога. Во овој сегмент од предавањето се стави акцент на тоа какви видови дроги постојат, нивните краткорочни и долгорочни негативни последици и начинот од лекување од оваа зависност. Околу оваа тема се разви плодна дискусија помеѓу учениците, предавачите и одговорните наставници.
По двочасовна дружба предавањето заврши со предлог и во иднина соработката да продолжи.
Одговорни наставници:
Златка Панчевска и Билјана Белогаска