Со особена гордост и задоволство ги доделивме еТвининг плакетите на 25 образовни институции од нашата земја, кои го добија ова високо признание за периодот 2025–2026.
На свеченото доделување присуствуваа 53 претставници од наградените институции, кои имаа чест да ја подигнат плакетата во име на своето училиште, симбол на нивната улога како водечки примери во воведување иновации, интеркултурна соработка и дигитална писменост. 🌍📚
Присутните најнапред ги поздравија:
👩💼 м-р Ана Михајлов – в.д. директорка на Националната агенција за европски образовни програми и мобилност
👩💼 г-ѓа Анета Здравковска – Советник за eTвининг
Директорката Михајлов ја истакна важноста на еТвининг платформата за поврзување на ученици и наставници низ цела Европа, нагласувајќи ја посветеноста на наставниците кои, освен што ја пренесуваат наставната содржина, ги инспирираат младите и да стекнуваат нови искуства кои го збогатуваат воспитно-образовниот процес.
🔵 Националната агенција за европски образовни програми и мобилност е горда што сè повеќе училишта стануваат дел од оваа европска заедница на учење и што Македонија е сè позастапена на мапата на еТвининг!
