Продолжуваме со активностите во рамките на Детската недела под мото: „Детството е најубавата приказна – да им помогнеме на децата да ја напишат со насмевка!“ 
„Цртаме заедно“ – секое дете даде свој придонес во создавањето на еден голем заеднички цртеж. Со својата креативност, боите и идеите, учениците создадоа шарено дело кое ја претставува нивната дружба, заедништво и различност. 
Преку оваа активност покажавме дека кога создаваме заедно, секоја идеја е важна и секое дете има свое посебно место. 
„Доброто се враќа“ – преку заедничко добро дело за училиштето, учениците придонесоа за создавање поубава и попријатна средина. Средувањето на училницата, дворот или библиотеката, како и грижата за растенијата, ги поттикна учениците да бидат одговорни, грижливи и свесни дека со малку труд можеме да направиме голема промена. 
Да учиме, да создаваме, да помагаме и заедно да го правиме светот поубаво место!
„Сезнајка и Бубе“ – насмевки, смеа и поуки!
По повод Детската недела, наставничките Соња Апостоловска-Трајковска и Елена Максимовска приредија весела и поучна куклена претстава „Сезнајка и Бубе“.
Низ хумор, игра и интересни дијалози, им подаривме на децата мигови исполнети со радост, смеа и важни животни поуки. 
Затоа што детската насмевка е нашата најголема награда!
https://www.facebook.com/reel/1639758514556272
